Knut Olavson Oppebøen var nr. 7 av 9 søsken. Som 14-åring var Knut skyssgut for Kviteseid hotell. Der møtte han Erik Werenskiold. Det skal vere Knut som er modell for det kjende måleriet Skysshesten. I fylgje familien er motivet Knut og Gamleblakken ved Kviteseidvatnet.
Ved fleire høve skyssa Knut målaren Werenskiold med hest og trille, og ofte sat Knut og spikka. Hesten kunne ofte vegen og det var mange timar på kuskesetet. Ein gong sa Werenskiold at han syntest det Knut laga var fint, og at han ville betale fyrste året for han ved Kunstindustrimuseet sin skule i Kviteseid. Slik blei det. Knut gjekk på skulen frå 1897 til 1900.
Kort tid etter starta Knut opp produksjon og reparasjon av møblar. I 1903 drog han til København for å delta på Dansk Sløydlærerskole. Etter skulegangen byrja han som sløydlærar i Solum kommune.
Han budde mesteparten av sitt liv på garden Haukelia i Melum, Solum.
Knut Oppebøen var sløydlærar i Solum frå 1905 til 1942, då han gjekk av som pensjonist. Han ambulerte til alle skulekretsar i Solum. Ved sidan av lærargjerninga dreiv han garden Haukelia i Melum.
Aksesjon: 2024
Kom inn til museet saman med møblement laga av Knut O. Oppebøen.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».