100-års jubileum for Strynefjellsvegen 06. august 1994
Laurdag 06. august 1994 var det feiring av 100-års jubileum for Strynefjellsvegen.
I samband med jubileet vart det utgjeve eit jubileumsskrift av Statens vegvesen i Oppland og So...
Laurdag 06. august 1994 var det feiring av 100-års jubileum for Strynefjellsvegen.
I samband med jubileet vart det utgjeve eit jubileumsskrift av Statens vegvesen i Oppland og Sogn og Fjordane - sjå under referanse.
Vedlagt ligg og annonse i Sogn Avis, torsdag 04.08.1994: "Jubileumsfest på Strynefjellet", som visar programmet for dagen.
På bilete ser ein Anders Guddal med slegga og Erling Fossheim med boren trallar og syng. Per Birger Lomheim sit bak med mikrofonen.
Det var først då turismen tok til å verte ei viktig næring i fjordbygdene i dei siste tiåra av 1800-talet at tanken om ein køyreveg over Strynefjellet vart vekt. Turistvertane i Stryn og Geiranger såg den nye jernbanen ete seg oppover Gudbrandsdalen. Den var framme på Otta i 1896, og karjolskyss frå Geiranger og Stryn til jernbanen på Otta kunne verte ei attraktiv turistrute. Det same ville ein rundtur over Strynefjellet mellom Oppstryn og Geiranger verte. Difor vart den første Strynefjellsvegen over Videseter som opna i 1894, først og fremst som turistveg.
Alt i 1867 tok Stryn kommunestyre opp spørsmålet om veg til Skjåk. Stortingsvedtaket kom i 1880. Strynefjellsvegen frå Hjelle i Oppstryn til Grotli vart opna i 1894. Geirangervegen til Grotli var ferdig i 1889. Den gamle Strynefjellsvegen går i 19 slyngar opp Tystigen ved Videseter, og vert framleis halden ved like, med status som ein av våre nasjonale turistvegar. Det høgste punktet på den gamle vegen er 1139 meter.
((Kjelde: Nettstaden "Allkunne", artikkelen "Strynefjellsvegen" av Ottar Starheim, NRK Sogn og Fjordane.)
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».