Det gule funkisbygget i pussa mur vart bygd som Skjeggedal kraftstasjon i 1938. I 1986 vart det bygd om til pumpestasjon. Her vert vatn som har vore brukt i Mågeli kraftverk, pumpa gjennom Bruuns tunnel under Ringedalsdammen opp i Ringedalsvannet, og vert slik nytta for andre gong i Oksla kraftverk. Fortenesta ved å løfta vatnet til ein større fallhøgde og bruka det til ny produksjon, er om lag sju gonger større enn kostnadene med å driva pumpa. Namnet Bruuns tunell kjem frå ingeniør Nils Henrik Bruun, som i 1897 kjøpte fallrettane ved Ringedalsvatnet.
Bygget vart teikna av arkitektane Thorvald og Henning Astrup.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».