80 år sidan andre verdskrigen tok slutt i Noreg.

Denne våren skal det vera mange minnemarkeringar rundt om i Noreg i høve fredsåret 1945. Det er mange heltar som gav livet sitt gjennom krigsåra, som skal minnast. På Nordsjøfartmuseet i Telavåg markerte me sjølvsagt også dette 8. mai.

Nazistane hadde fått kjennskap til at Telavåg var ein kontaktstad for motstandsfolk som kom frå Storbritannia. Telavåg blei åstad for ein av dei verste represaliane i Noreg då Gestapo gjekk til aksjon mot bygda. Det var mange menn frå Telavåg som ofra livet i konsentrasjonsleirar i Tyskland. Ein mann frå Telavåg vart avretta på grunn av det som hende. Det var Lars Telle som vart skoten på Trandum saman med åtte andre menn hausten 1943. Christian Fredrik Fasting Aall var ein av dei. Han hadde rømt til Storbritannia i 1941, og hadde der fått opplæring i kompani Linge. På eit oppdrag i Vestlandsfjordane vart han og hans kompanjong overraska av Gestapo og tekne til fange. For ei tid attende fekk Nordsjøfartmuseet eit lita samling med foto frå systera til Fasting Aall. Han var frå ein gard i Vik i Sogn, og fotoa vitnar om ein ung mann som var glad i fjellet både sommar og vinter. I ein artikkel i Morgenavisen kort tid etter freden i 1945 blei Christian Fasting Aall heidra med blant anna desse orda:

Han visste at det kostet blod. Han drog. Og rolig mot sitt klare mål gikk Christian All.

Og landet trengte sårt hver mann som han. Så sammenbitt mot smertens mål som Christian Aall.

De viet seg til Norges jord. Det gror, Det flammer nå, fra frihets bål. Takk, Christian Aall.