Kaien ved Berge Sag og Trelastforetning, 1915. Bak kaien ligg husbåten "Flyda-Dell". Den tilhøyrde "Elavakongen" (O. M. Ramsø), som reiste rundt i bygdene og fotograferte.

Eigar av husbåten Flyda-Dell, Ole Martin Jørgensen Ramsø (født 18. januar 1857 i Fana, dødsår ukjend), var fotograf. Han budde ei tid i USA, kor han tok namnet O. M. J. Ramsey. I 1906 returnerte han til Noreg, og omkring 1908 konstruerte han eit flytande atelier som han reiste rundt i Vestlandsfjordane med. Han signerte bileta med «O. M. J. Ramsey, Flyd-Atelier» og blei kalla «Elvakongen» på grunn av sitt flytande atelier.

---------------

Originalbiletet er eit gammalt fotografi, lånt frå ei privat samling og avfotografert av Endre Heggen i 1985. Endre Heggen var lokalhistorikar og sogelagsmann i Ølen. Han var fødd i Stavanger 5. august 1920, men flytta til Ølen i 1935. Far hans kom opphaveleg frå garden Heggjo i Ølen.

I vaksen alder byrja Endre Heggen å fatte interesse for kulturminne og kulturvern. Det starta med interessa for bygningskultur. Sidan tok han òg til med å samle inn gjenstandar frå Ølen og Bjoa. Frå midten av 80-talet gjekk han systematisk til verks med å intervjue og samle inn bilete frå folk i nærområda, og opparbeidde seg etterkvart ei vesentleg samling av både lydopptak og kopiar av gamle bilete. Samlinga vart sidan gjeven til Vindafjord kommune og er no del av Haugalandmuseet sine samlingar.

Fotografering: 1915

Produksjon: 1985