Frå bondeland til bygdeby

Frå ein varsam start med 25 tilsette vart fabrikken bygd ut slik at talet på arbeidarar var tidobla ved århundreskiftet og kom på det meste opp i omlag 400 nokre år seinare. Tilflyttinga var stor, og på to-tre tiår vart Tysse forvandla frå fredeleg bondeland til ein tettpakka bygdeby med bustader, butikkar, handverkarar, kafear og overnattingsplassar i tillegg til sjølve fabrikken.

A/S SAFA

Men natta til 6. mars 1931 brann ullvarefabrikken ned til grunnen. Først i 1941 kom det ny verksemd på branntuftene. Samnanger Fabrikker vart Noregs største spesialfabrikk i strømper - under namnet A/S SAFA. I 1960-åra kom talet på tilsette opp i 240, men rasjonalisering har ført til at det i 1990-åra vart skore ned til om lag 70 tilsette.

Kommunesenter

Tysse er i dag først og fremst kommunesenter med kommunal administrasjon og ungdomsskule.